ကမ္ဘာ့ဖလားဗိုလ်လုပွဲကစားရန်တစ်ရက်ကျော်မျှသာလိုတော့တဲ့အချိန်တွင်ပြင်သစ်အသင်းဟာ ဒဏ်ရာကြောင့်အနားယူနေရသူနှင့်ဖျားနေသူပမာဏတိုးမြှင့်လာပါတယ်။

ဒီဒီယာဒက်ချမ်ဟာတနင်္ဂနွေနေ့ညတွင်ကမ္ဘာ့ဖလားချန်ပီယံဖြစ်လာပါက၁၉၆၂ ဘရာဇီးနောက်ပိုင်းတွင်ကမ္ဘာ့ဖလားချန်ပီယံဘွဲ့ကိုကာကွယ်နိုင်တဲ့ပထမဆုံးနည်းပြဖြစ်လာပါမယ်။

ဒါပေမဲ့ပြင်သစ်ရင်ဆိုင်ရမဲ့အာဂျင်တီးနားတွင်လီယွန်နယ်မက်ဆီအကောင်းဆုံးပုံစံရရှိနေမှုနှင့်အတူလွယ်ကူမဲ့ပုံစံမှာမရှိပါဘူး။မက်ဆီဟာကမ္ဘာ့ဖလားဆုအပြင် Golden Ball ၊ Golden Bootကိုပါရယူလာဖို့ရှိနေပါတယ်။

ပိုပြီးတော့ဆိုးရွားတာကတော့ပြင်သစ်အသင်းဟာဗိုလ်လုပွဲမတိုင်မီဒဏ်ရာရရှိသူနှင့်နားဖျာသူအရေအတွက်တိုးလာတာဖြစ်ပါတယ်။

မော်ရိုကိုနှင့်ဆီမီးဖိုင်နယ်ပွဲမတိုင်မီအူပါမီကာနိုနှင့်ရာဘီယော့တို့ဖျားနာခဲ့သလိုကင်စလေကိုးမန်း၊ရာဖေးလ်ဗာရန်းနှင့်အီဘရာဟမ်ကိုနာတေးတို့လည်းဖျားနာလာနေကြပါတယ်။

ပြင်သစ်ဟာနေမကောင်းဖြစ်နေတဲ့ကစားသမားများကိုသီးသန့်နေထိုင်စေလျက်ရှိပါတယ်။

ဒါ့အပြင်ချူကွာမီနီနှင့်သီယိုဟာနန်ဒက်ဇ်တို့မှာလည်းဒဏ်ရာပြဿနာကြောင့် ပြင်သစ်ရဲ့လေ့ကျင့်ခန်းအစီအစဉ်နှင့်ပူးပေါင်းနိုင်ခြင်းမရှိပါဘူး။

အူပါမီကာနိုနှင့်ရာဘီယော့တို့မှာနေမကောင်းဖြစ်မှုမှပြန်လည်ကောင်းမွန်လာမှုနဲ့အတူ အာဂျင်တီးနားနှင့်ပွဲမှာပါဝင်လာဖို့ရှိပေမဲ့ ကိုနာတေးနှင့်ဗာရန်းတို့မှာပါဝင်လာနိုင်မဲ့အခြေအနေမှာမရှိပါဘူး။ဒါ့အပြင်ကိုးမန်းမှာလည်းကမ္ဘာ့ဖလားဗိုလ်လုပွဲအမီပြန်ကောင်းလာနိုင်တဲ့အနေအထားမှာရှိပါတယ်။

တကယ်လို့များရာဖေးလ်ဗာရန်းသာမကစားနိုင်ပါကဒီဒီယာဒက်ချမ့်ဟာအာဂျင်တီးနားနှင့်ဗိုလ်လုပွဲတွင်ခံစစ်မှာအူပါမီကာနိုနှင့်ဆာလီဘာတို့ကိုအသုံးပြုလာရဖို့ရှိပါတယ်။

ပြင်သစ်အသင်းအတွက်တော့ ချန်ပီယံဆုကိုကာကွယ်ဖို့ လက်တစ်ကမ်းအလိုမှ သောကတွေဝိုင်းနေရပါပြီ။