ခရစ္စတယ်ပဲလေ့စ်နည်းပြ ပက်ထရစ်ဗီအဲရာသည် အာဆင်နယ်နှင့် ချဲလ်ဆီးတို့၏ အပြောင်းအရွှေ့များကြားတွင် ဝီလ်ဖရီဒ်ဇာဟာ ၏အနာဂတ်အကြောင်း သတိပေးပြောဆိုလိုက်ပါတယ်။

‘စာချုပ်သစ်အတွက် ဆွေးနွေးမှုတွေရှိနေပေမယ့် ကျွန်တော်ကိုယ်တိုင်ရော ကလပ်အတွက်ပါ အရေးကြီးတာက သူ့အတွက် ဒီအဆင့်မှာ ကစားဖို့နဲ့ လိုက်လျောညီထွေရှိဖို့ သူ့ပတ်ဝန်းကျင်က လူငယ်ကစားသမားတွေတိုးတက်လာစေရန် အတွက် ဘာတွေကို ကူညီပေးမလဲဆိုတာကို ကျွန်တော်တို့ မြင်တွေ့ရမှာပါ။

‘ဝီလ်ဖရီဒ်ဇာ ခြေစွမ်းကောင်းတဲ့နေ့ရှိရင်၊ အသင်းက ကောင်းမွန်တဲ့နေ့ ဖြစ်လာမှာပါ။ သူက ကွင်းတွင်းရော ပြင်ပမှာပါ အရေးပါတဲ့ ကစားသမားတစ်ယောက်ပါ၊ အတွေ့အကြုံတွေရထားပြီး ဒီနေ့မှာတော့ သူတကယ်ကို မပိုင်နိုင်ဆုံးနဲ့ ကြိုးကြိုးစားစား လုပ်ပြခဲ့ပါတယ်။

ဇာဟာဟာ ၂၀၂၂ ခုနှစ်မှာ ၁၄ ဂိုးအထိ သွင်းယူထားနိုင်တဲ့ ပရီးမီးယားလိဂ် ကစားသမားတွေထဲက တစ်ဦးဖြစ်ပြီး တော့တင်ဟမ်ဟော့စပါးရဲ့ နှစ်ယောက်တွဲဖြစ်တဲ့ ဟယ်ရီကိန်း၊ ဆွန်ဟောင်မင်၊ ဘရန့်ဖို့ဒ်က အိုင်ဗန်တိုနေးနဲ့ မန်စီးတီးတိုက်စစ် ကစားသမား အာလင်ဟာလန်းတို့ ကသာသူ့ထက် ပိုကောင်းခဲ့ပါတယ်။

စနေနေ့တွင် ဂွတ်ဒီဆင်ပါတ်ခ် ၌ ပဲလေ့စ်၏ နောက်လာမည့် အဲဗာတန်နှင့်ပွဲအတွက် ကောင်းမွန်သောအလုပ်များကို ဆက်လက်လုပ်ဆောင်ရန် မျှော်လင့်နေမည်ဖြစ်သည်။

ဇာဟာသည် အင်္ဂါနေ့ညက ဝုဖ်အသင်းကို ၂-၁ ဂိုးဖြင့်အနိုင်ရခဲ့သော နိုင်ပွဲအပါအဝင် ကိုးပွဲကစားပြီး ၅ ဂိုးသွင်းယူကာ ယခုရာသီတွင် ၎င်း၏ကစားသမားဘဝအကောင်းဆုံးပုံစံကို ပြသနေပါသည်။

အသက် ၂၉ နှစ်အရွယ် တောင်ပံကစားသမားသည် ပရီးမီးယားလိဂ်ကလပ်ကြီးခြောက်ခု၏ပြင်ပအကောင်းဆုံးကစားသမားများထဲမှတစ်ဦးအဖြစ် ကာလရှည်ကြာစွာမှတ်ယူခံထားရပြီး ထိပ်တန်းအသင်းတစ်သင်းသို့ ပြောင်းရွှေ့ရန် အဆက်မပြတ်ချိတ်ဆက်နေခဲ့သည်။

လွန်ခဲ့သည့်ဆယ်စုနှစ်တစ်ခုနီးပါးက မန်ချက်စတာယူနိုက်တက်တွင် ကံဆိုးမိုးမှောင်ကျခဲ့သည့်နှစ်ပြီးနောက် အာဆင်နယ်သည် ၂၀၁၉ ခုနှစ်တွင် အိုင်ဗရီကို့စ်လက်ရွေးစင်ကို ခေါ်ယူရန် ကြိုးပမ်းခဲ့သော်လည်း ပဲလေ့စ်က တန်ကြေးပေါင်သန်း၈၀ တောင်းခဲ့၍ မခေါ်ယူဖြစ်ခဲ့ပေ။

နွေရာသီတစ်လျှောက်တွင် ဇာဟာကို ဂန်းနားများ၊ ချဲလ်ဆီးနှင့် ရိုးမားအသင်းတို့က စိတ်ဝင်စားကြပြီး အထူးသဖြင့်၂၀၂၂ ခုနှစ်တွင် စာချုပ်သက်တမ်းကုန်ဆုံးချိန်မှစ၍ ၎င်းကို စိတ်ဝင်စားနေကြကြောင်း သတင်းများကျယ်ကျယ်ပြန့်ပြန့် ထွက်ပေါ်ခဲ့သည်။

ဥရောပအသင်းကြီးများ တွင် ကစားရန် ရည်မှန်းချက်များ ရှည်ကြာစွာ တောင့်ခံထားခဲ့သော ဇာဟာသည် ရာသီကုန်တွင် အလွတ်ဖြင့် ထွက်ခွာမည်ဟု ထင်မြင်နေကြသော်လည်း ယခုအခါ ဗီအဲရာက ယင်းကဲ့သို့ မဖြစ်နိုင်ကြောင်း ပြောကြားခဲ့ပါသည်။

” သူ့ကို ကလပ်က ဘယ်လိုမျှော်လင့်ထားလဲ သိတယ်၊ ပြီးတော့ ကလပ်နဲ့ ပတ်သက်ပြီး သူဘာတွေ တွေးနေလဲဆိုတာ ကျွန်တော်တို့ သိပါတယ်” ဟု လင်းယုန် နည်းပြက ၎င်း၏ ပွဲအပြီး သတင်းစာရှင်းလင်းပွဲတွင် ပြောကြားခဲ့သည်။