မန်စီးတီးနည်းပြ ပတ်ဂွါဒီယိုလာကို အန်ဖီးလ်ကွင်း၌ လီဗာပူးပရိသတ်များက အကြွေစေ့များ ပစ်ပေါက်ခဲ့သည့်အတွက် လီဗာပူးနည်းပြ ဂျာကင်ကလော့ပ်က တောင်းပန်ခဲ့ပါတယ်။လီဗာပူးလ်အသင်းသည် အဆိုပါဖြစ်ရပ်ကို စုံစမ်းစစ်ဆေးနေပြီး ဂွာဒီယိုလာအား စွန့်ပစ်ပစ္စည်းများဖြင့် ပစ်ပေါက်ခြင်းအတွက် အပြစ်ရှိကြောင်း တွေ့ရှိရသော ပရိသတ်အား တစ်သက်တာပွဲကြည့်ခွင့် ပိတ်ပင်သွားမည်ဟု ကတိပြုထားသည်။
အန်ဖီးလ်မှာ လီဗာပူးကို ၁-၀ နဲ့ ရှုံးနိမ့်ပြီးနောက် အဆိုပါပွဲနဲ့ ပတ်သက်ပြီး ဂွာဒီယိုလာက ‘နောက်တစ်ကြိမ် တွေ့ရင် အီတီဟတ်မှာ အနိုင်ရအောင် လုပ်သွားမှာပါ။ဒီနေ့တော့ အနိုင်သုံးမှတ် လိုချင်ခဲ့ပေမဲ့ မရခဲ့ဘူး။ နောက်တစ်ကျော့မှာ မှာ ထပ်ကြိုးစားသွားမယ်။လီဗာပူးဟာ အရမ်းတော်တဲ့ နည်းပြကို ရထားလို့ ကံကောင်းပါတယ်”ဟု ပြောကြားခဲ့ပါတယ်။
ပွဲကစားနေစဥ်အတွင်း ဂွါဒီယာယိုလာဟာ အကြွေစေ့ဖြင့် ပစ်ပေါက်ခံလိုက်ရပါတယ်။အဆိုပါအဖြစ်ပျက်အတွက်
မကျေနပ်ချက်တွေကို ဂျာကင်ကလာ့ပ် အား ပြောကြားတဲ့အခါ
” အိုး ကြောက်စရာကောင်းတယ်။ ကျွန်တော်စိတ်မကောင်းပါဘူး။ အဲဒါအတွက် တောင်းပန်ပါတယ်။ကျွန်တော် အဲဒါကို မသိခဲ့ပါဘူး။ဒါလုံးဝ မဖြစ်သင့်ဘူး”ဟု ပြန်လည်တောင်းပန်ခဲ့ပါတယ်။
လီဗာပူးလ်အသင်း၏ ထုတ်ပြန်ချက်တွင် ‘ယနေ့ကစားသည့်ပွဲတွင် နည်းစနစ် ဧရိယာ ထဲသို့ အရာဝတ္ထုများ ပစ်ချခံရခြင်း ပါ၀င်သည့် အဖြစ်အပျက်တစ်ခုကို ကျွန်ုပ်တို့ သိရှိပါသည်။
“ဒါက လုံးဝလက်မခံနိုင်တဲ့ အပြုအမူဖြစ်ပြီး အန်ဖီးလ်မှာ ကျွန်တော်တို့ မျှော်လင့်ထားတဲ့ အပြုအမူစံနှုန်းတွေ မဟုတ်ပါဘူး။
“ဒီဖြစ်ရပ်ကို CCTV သုံးပြီး အပြည့်အဝ စုံစမ်းစစ်ဆေးသွားမှာ ဖြစ်ပြီး အပြစ်ရှိကြောင်း တွေ့ရှိသူတွေကို အန်ဖီးကွင်းမှာ
တစ်သက်တာ ပွဲကြည့်ခွင့် နဲ့ ဖြစ်နိုင်ချေရှိတဲ့ ဘောလုံး နဲ့သက်ဆိုင်သော ပိတ်ပင်မှုအားလုံးဖြင့် အပြစ်ပေးခံရမှာ ဖြစ်ပါတယ်။”
ဖာဘင်ဟိုအပေါ် ဟာလန်း ပြစ်ဒဏ်ကျူးလွန်သည်ဟု VAR အသုံးပြုကာ ဖီးလ်ဖိုဒန်၏ သွင်းဂိုးကို အန်တိုနီတေလာက ပယ်ချခဲ့သည့်အတွက် ကွင်းလယ်ဒိုင်လူကြီးအား ဂွာဒီယိုလာက ပြစ်တင်ဝေဖန်ခဲ့ပါသေးတယ်။
ထို့နောက်တွင် မိုဟာမက်ဆာလက်သည် လီဗာပူးလ်အသင်းအတွက် အနိုင်ဂိုးကို သွင်းယူပေးခဲ့ပြီး ပရီးမီးယားလိဂ်တွင် သုံးပွဲဆက်တိုက် အနိုင်မရရှိမှု ကို အဆုံးသတ်နိုင်ခဲ့ပြီး မန်စီးတီးရဲ့ ဒီရာသီ ရှုံးပွဲမရှိ သေးတဲ့စံချိန်လဲ ကျိုးပျက်ခဲ့ရပါတယ်။
Be the first to comment