ခရစ္စတီယာနိုရော်နယ်ဒိုဟာတနင်္လာနေ့တွင်ကျင်းပမယ့် Ballon d’Or ဆုပေးပွဲအခမ်းအနားသို့ ရီးရဲမက်ဒရစ် ကစား ဖော်ဟောင်း ကာရင်ဘန်ဇီးမားကိုဂုဏ်ပြုရန်အတွက် တက်ရောက်သွားမည် ဖြစ်ကြောင်းသိရပါတယ်။ဘန်ဇီးမားဟာရော်နယ်ဒို ဆုရရှိတိုင်း နောက်ကွယ်ကအမြဲတမ်းလက်ခုပ်တီးအားပေးခဲ့သူပါ။

အသက်၃၇နှစ်ရှိပြီဖြစ်တဲ့ ရော်နယ်ဒိုဟာ၂၀၁၇ခုနှစ်တုန်းက သူ့ရဲ့နောက်ဆုံးအကြိမ် Ballon d’Orဆုကိုဆွတ်ခူးပြီးနောက်ပိုင်း တွင်ဆုပေးပွဲအခမ်းအနားသို့တက်ရောက်ခဲ့ခြင်းမရှိတော့ပါဘူး။ပြီးခဲ့တဲ့ရာသီတုန်းကယူနိုက်တက်အတွက် ၂၄ဂိုးသွင်းယူခဲ့ပြီး Ballon d’Or ဆုအတွက်ဆန်ကာတင်စာရင်းတွင်ပါဝင်ခဲ့ပါသေးတယ်။သူဟာယခုနှစ် Ballon d’Or ဆုပေးပွဲတွင် ဆုရရှိလာမှာမဟုတ်ပေမဲ့ ဆု ပေးပွဲအခမ်းအနားသို့ တက်ရောက်လာပါမယ်။လက်ရှိအချိန်တွင် Ballon d’Or ဆုကိုဆွတ်ခူးရန် ကာရင်ဘန်ဇီးမားကရေပန်းအစားဆုံးဖြစ်နေပါတယ်။

ကာရင်ဘန်ဇီးမားဟာပြီးခဲ့တဲ့ဘောလုံးရာသီတုန်းက၄၆ပွဲတွင် ၄၄ဂိုးသွင်းယူပြီးရီးရဲလ်မက်ဒရစ်ကိုလာလီဂါဖလားနှင့်ချန်ပီယံလိဂ်ဖလားရရှိအောင် အရေးပါတဲ့ဂိုးများသွင်းယူပြီး ကူညီ ခဲ့သူလည်း ဖြစ်ပါတယ်။

ရော်နယ်ဒိုဟာကာရင်ဘန်ဇီးမားနှင့်အတူ ရီးရဲလ်မက်ဒရစ်တွင် ကိုးနှစ်ကြာအတူတွဲကစားလာခဲ့ပြီး ထိုစဉ်ကတည်းက အလွန် ရင်းနှီးကြတဲ့ သူငယ်ချင်းများဖြစ်ခဲ့ကြတာပါ။

သူဟာသူ့ရဲ့ကစားဖော်ဟောင်းဘန်ဇီးမား Ballon d’Or ဆုရရှိသည်ကိုကိုယ်တိုင်ကြည့်ရှုအားပေးလို၍ ပဲရစ်​မြို့တွင်ကျင်းပမဲ့ ဆုပေးပွဲအခမ်းအနားသို့တက်ရောက်လာမှာဖြစ်ကြောင်း Le Parisien ကဖော်ပြလာပါတယ်။

လီယွန်နယ် မက်ဆီကလည်း ယခုနှစ် Ballon d’Or ဆုဟာ ကာရင်ဘန်ဇီးမားနဲ့ ထိုက်တန်ကြောင်း ပြောကြားခဲ့ဖူးပြီးပါတယ်။