အိန္ဒိယနိုင်ငံတွင် မြွေဟောက်များသည် နိုင်ငံအတွင်း အသေအပျောက်အများဆုံး မြွေကြီးလေးမျိုးထဲမှ တစ်မျိုးဖြစ်သည်။ မြွေဟောက်ကို ဟိန္ဒူဒဏ္ဍာရီနှင့် ယဉ်ကျေးမှုများတွင် လေးစားကြည်ညိုကြပြီး မြွေများကို pungi ဟုခေါ်သော တူရိယာဖြင့် အကျော်ကြားဆုံးဖြစ်သော မြွေများကို ‘ညှို့ယူခြင်း’ ဖြင့် မကြာခဏဆိုသလို မြွေဟောက်များဖြင့် ကစားလေ့ရှိသည်ကိုလဲ မြင်တွေ့ရသည်။

အိန္ဒိယ မြွေဖမ်းသမားတစ်ယောက် မြွေကိုနမ်းလိုက်စဥ် မြွေက နှုတ်ခမ်းကို ကိုက်လိုက်သည့် ရုပ်သံတခု ပျံ့နှံ့လာခဲ့ပါတယ်။ ဒီအဖြစ်ပျက်ဟာ အိန္ဒိယနိုင်ငံတောင်ပိုင်း Shivamogga ခရိုင်တွင် စနေနေ့က ဖြစ်ပွားခဲ့တာဖြစ်ပါတယ်။

ဗီဒီယိုထဲတွင် မြွေဖမ်းသမားက မြွေကိုဖမ်းပြီး နမ်းနေတဲ့ပုံရိုက်ဖို့ ကြိုးစားနေခဲ့ပါတယ်။

မြွေဖမ်းသူသည်မြွေဟောက်၏ ပါးပျဉ်းနောက်ကျောကို နမ်းရှုံ့ပြဖို့လုပ်နေစဥ် မြွေသည် ရုတ်တရက် နောက်လှည့်ပြီး မြွေဖမ်းသူ၏နှုတ်ခမ်းကို ကိုက်လိုက်တာပဲဖြစ်ပါတယ်။ ထို့နောက် မြွေဖမ်းသူသည် မြွေကိုပြန်လွှတ်ပေးလိုက်ပြီး အရေးပေါ် ဆေးကုသမှု့ခံယူခဲ့ရပါတယ်။ ဒါပေမယ့် မြွေးဖမ်းသူ၏အသက်ကို ကယ်နိုင် မကယ်နိုင်ကတော့ သေခြာမသိရသေးပါဘူး။

မြွေဟောက်သည် ပြင်းထန်သော post-synaptic neurotoxin (အာရုံကြောတစ်ရှူးများကိုပျက်စီးစေသော) နှင့် cardiotoxin (အထူးသဖြင့်နှလုံးကိုထိခိုက်စေသောကြွက်သားများကိုထိခိုက်စေသည်) ပါ ၀ င်သော​အဆိပ်ကြောင့်အန္တရာယ်မြင့်မားသည်။

လျင်မြန်စွာ မကုသပါကမြွေဟောက်အဆိပ်သည် အာရုံကြောများကို ပျက်စီးစေကာ ကြွက်သားများကို ထိခိုက်စေနိုင်ပြီး – အလွန်အမင်း ပြင်းထန်သော အခြေအနေများတွင် – အသက်ရှူလမ်းကြောင်း ချို့ယွင်းခြင်း သို့မဟုတ် နှလုံးရပ်ခြင်းတို့ကို ဖြစ်စေနိုင်သည်။

မြွေကိုက်ခံရခြင်းမှ သေဆုံးနှုန်းသည် ဖြစ်ရပ်တစ်ခုနှင့်တစ်ခု ကွဲပြားပြီး အကိုက်ခံရသော အဆိပ်ပမာဏအပေါ် မူတည်ပါသည်။ လေ့လာမှုတစ်ခုအရ သေဆုံးမှုနှုန်းသည် 20 မှ 30 ရာခိုင်နှုန်းကြားရှိနိုင်သော်လည်း အခြားလေ့လာမှုတစ်ခုတွင် အမြန်ကုသမှု ခံယူခဲ့ရသူများ၏ ကိုးရာခိုင်နှုန်းခန့်သာ သေဆုံးမှု့ရှိသည်ကိုတွေ့ရသည်။

# ရေးသားသူ – မောင်မြင့် (သတင်းထူး/သတင်းဦးများ)